أهل الوفاء

ارد انشد من اهل العرف .. .. .. عن الوفه وأوكاته
حتى اعرف اشلون الأخــو .. .. .. ويه الأخو حالاتــه

ارد انشد من اهل العرف .. .. عن الـوفه ابيا ديـره
رحــت انشد ومحــد يرد .. .. وظــليـت والله ابحــيره
مــن دورت مــاحــصـلت .. .. والعـقـل جــل تدبيره
اوبات الدليل و بالوجـل .. .. وتــكـاثـرت حسـباتـه

حسباته جتاله ويعـالـج .. .. بالعزيــزه ابـوحــده
ولا صـوت عـنده اوينسمع .. .. ويخــبـرك من تنشــده
شتكول مــا عـــنده ربع .. .. لا اكدر احــلف عـنـده
لاجــن ﮔضه بس ما وكــع .. .. صاروا من الشــمـاتـه

عـادة اوجـرت كل ﺍﻟﻳﮕﻊ.. .. بــيـه اتـشــمت ربعه
ﭼﯥ لن بعــد ما بي طمع .. .. طـاح اوكـضـه كل نفعه
جماله بعد فوك الشماته .. .. وفـوك كســرة ضــلعـه
ابجــبدته ارماح اخوته .. .. اتحــالفـت وي طكاتـه

احــاه شسولفلك بعــد .. .. من هذا الحجيته وشكثر
بويه عله هونك وي اخوك .. .. تــريــض اولا تــغـتر
الــدهر ما تدري الدهر .. .. دولاب دايـــم يــفـتر
وشــلون تــمن بالدهـر .. .. وبسـطوته و جــوراتــه

بــويــه ارد احـــذرك .. .. لاتجـافي صاحبك وعضيدك
اومن تحجي وياه برزانه .. .. اولا تــشـمر بــيــدك
صــوتــك العـــالـــي او .. .. كــشخـتك وتغطرسك شـيـفيـدك
وين اللي كـبلك كشخـته .. .. وتغطرسه او كعداتــه